WILLEMSTAD.- Inspekshon Ekonómiko a realisá kontrol riba lokalidatnan di Horeca, Standplaats i Vent riba djabièrnè 13, djasabra 14 i djadumingu 15 di febrüari 2026, durante e diferente paradanan.
A realisá un total di 158 kontrol: 61 kontrol riba djabièrnè 13 di febrüari durante parada di Teener. 34 kontrol riba djasabra 14 di febrüari na Banda Bou. 63 kontrol riba djadumingu 15 di febrüari durante Gran Marcha. A realisá kontrol di 79 Standplaats, 37 Vent i 42 horeca. For di esakinan a duna 6 amonestashon. Pues 96% kumplimentu ekonómiko durante paradanan wikènt di karnaval.
