SANTO DOMINGO (AFP).- Un tribunal dominikano a aplasá pa mart un oudiensia preliminar planiá pa ayera, kontra doñonan di un diskotèk ku a basha den otro aña pasá ku saldo di mas ku 200 morto. E dak dje klup Jet Set a kai den mardugá di 8 di aprel di 2025 durante un konsierto dje kantante popular di merengue Rubby Pez, kende a pèrdè su bida huntu ku 235 otro persona.
E doño i gerente di Jet Set, Antonio Espaillat, i su rumanMaribel, ku tabata e atministradó, a keda arestá pa homisidio no intenshonal, pero despues a rekobrá nan libertat kondishonal pagando US$ 842.500. Tur dos a presentá den Palasio di Hustisia, kaminda nan a keda risibí ku un akshon di protesta kòrtiku di famia- i amigunan dje víktimanan. “30 Aña di prizòn ta poko”, “Nos ke pa hasi hustisia”, segun por lesa riba pankartanan di protesta.
E oudiensia preliminar lo determiná si ta eksistí sufisiente punto pa manda e kaso korte. Pa e akusashon di homisidio no intenshonal tin kastigu ku ta varia entre tres luna pa dos aña di prizòn.
