CARACAS ( AP) . – E direktor di e blòk femenino di un prison, a wòrdu tirá mata ayera huntu ku su kasá ora nan a sali di nan kas, asina e Ministerio di Servisionan Penitensiario a informá.
Den un komunikado, e ministerio a bisa ku e asesinato di Nelly Ramón Tor res, di rektor di e blòk femenino di Centro Penitenciario de Occidente, a tuma lugá den e pueblo Santa Ana, di estado Táchira, 600 kilometer na sùitwèst di Caracas.
E kanal di notisia Globovisión a informá riba Internet ku Nelly Ramón Torres i su kasá a risibí vários tiru di dos hòmber ku tabata move riba un motosaikel. Ta e di dos funshonario di rango haltu di un prison venesolano ku ta wòrdu asesiná den ménos di dos luna.
E hefe di rekursonan humano di e prison di estado Mérida na sùit-wèst, Roxanne Paola Molina Avila, a wòrdu tirá na kabamentu di mei ora e tabata move den un vehíkulo den un sektor di eentidatiakedainterseptá pa dos hòmber armá.
Molina Avila a muri oranan despues a konsekuensia di e tirunan.
E prisonnan di Venezuela t a wò rdu kons ide r á komo algun di esnan mas violento di e region kaminda bandanan armá ta operá i ku ta bringa pa e kòntròl di e blòknan i e negoshi di armanan i droga ku bewakernan korupto ta bende ku e presunan.
Pa atendé e krísis severo di prisonnan, presidente Hugo Chávez a krea meimei di 2011 un ministerio speshal pa e sektor i a nombra e kongresista ofisial Iris Varela na kabes di e ministerio ei, ku a kuminsá ku un seri di plannan pa reorganisá e prisonnan i drecha e kondishonnan den eprisonnaniepoblashondi mas.
Varela a deklará resientemente ku di e 33 prisonnan ku tin den e pais, e gobièrnu ta mantené kòntròl total solamente den a lo ménos shete sentro.
E organisashonnan di derechinan humano ku ta laborá den e área di prisonnan ta sostené ku apesar di e kreashon di e ministerioiemedidanan ku Varela a tuma, e krísis den e prisonnan venesolano violento t’ei ainda.
Durante 2011 tabatin 560 morto den e prisonnan venesolano, sifra ku ta superá esun di 2010, ora a registrá 476 asesinato.
