LIMA, PERU (AFP).- Un grupo di obrero ku tabata koba den  kayanan di Lima pa pasa tubunan di gas aksidentalmente  a topa ku ocho graf, seis di nan di mucha, di un kultura prehispano di 800 pa 1000 aña bieu.

“Nos a topa ku un total di seis restu funerario di seis mucha i dos adulto di alrededor di 800 pa 100 aña pasá”, segun e arkeólogo Jesus Bahamonde a duna di konosé.

E grafnan ta pertenesé na un santana prehispano i a keda deskubrí miéntras ku trahadónan dje empresa di distribushon di gas Calidda tabata koba den kaya dje distrito Carabayllo, den nort dje kapital peruano.

Na Perú, empresanan di servisio públiko ta obligá pa tuma kontakto ku arkeólogonan ora ku nan ta hasi trabou di boramentu di suela, teniendo  kuenta ku e posibilidat di haña restunan arkeológiko.

Na Lima, kapital di 10 mion di habitante, tin mas di 500 sitio arkeológiko di kua hopi ta santananan.

Den último ocho añanan obreronan di Calidda durante di trabounan di kobamentu a topa mas di 1.800 artefakto di kulturanan antiguo.

LAGA UN KOMENTARIO

Please enter your comment!
Please enter your name here