BOGOTA (AP).- Dies miembro di un organisashon ku tabata manda kokaina i heroina Merka i Spaña, a keda detené den tres siudat di Colombia, asina polis a informá ayera.
E arestonan a tuma lugá den e siudatnan Cali, Pereira i Popayán, asina e direktor di polis antinarkótiko, general Luis Pérez, a bisa den rueda di prensa.
E desmantelamentu di e banda a dura 18 luna i e detenshonnan di e último oranan ta bira 24 mas den e lapso ei: 19 kolombiano i sinku stranhero (tres dominikano, un venesolano i un muhé panameño).
E operativo a konta ku e apoyo di e agensia antidroga merikano DEA i fiskalia kolombiano. ‘ E droga tabata wòrdu mandá di tres aeropuerto internashonal, di Bogotá, Cali i Peirera, den kantidatnan ku no a superá 10 kilo, speshalmente den maletanan ku bòm falsu, ribapetishoniemétodo tabata usa personanan komo mula’, asina e ofisial a agregá.
Segun Pérez, ‘ta kalkulá ku den un aña, bou di e manera aki, e ret internashonal aki a manda mas ku un ton di kokaina i 100 kilo di heroina’.
