A detené dos militar lokal

WILLEMSTAD- Ministerio Públiko ta informá ku a detené dos militar lokal den dianan tras di lomba. E informe ta indiká ku djaluna dia 17 di febrüari último Kuerpo Polisial a detené un militar yu di Kòrsou nèt na momentu ku el a kometé un echo kastigabel. Ta trata di un hòmber di 26 aña di edat i e kaso ta relashoná ku falsifikashon di dokumento.

A pasa e kaso den man di marechaussee mirando ku ta trata di un kaso ku ta embolbí un personal militar. Marechaussee a tuma e enkargo di e investigashon penal. Mas aleu OM ta anunsiá ku bou di supervishon di Ministerio Públiko Marechaussee a anunsiá un investigashon mas profundo i esei a kondusí na detenshon djamars 18 di febrüari di un otro militar yu di tera di 21 aña. Esaki ta relashoná ku su embolbimentu den mesun kaso di e prome militar ku a keda detené. Ámbos militar ta enkarselá.

SHARE

LEAVE A REPLY