BANICA. Di rekshon Nashonal di Kontròl di Droga (DNCD), ku yudansa di miembronan di Polis i Destakamentu Operativo di Inteligensia na Frontera (DOIF), a detené aki un pareha ku tabata patrosiná ‘ mulanan;’ nan tabata reklutá nan pa manda nan kargá ku droga Europa i Merka, asina e agensia antinarkótiko a informá ayera.
Ta trata di César de los Santos Jiménez, yamá El Pajaro; i Patricia de la Rosa Encarnación, ámbos detené durante un redada realisá den e residensia di Jiménez, situá den e komunidat María Isabel, na El Memiso, lugá kaminda e akusadonan tabata operá e sentro di reklutamentu di ‘mulanan’ pa manda nan eksterior.
E operashon, dirigí pa un fiskal athunto, a haña un kantidat konsiderabel di kokaina den e kas
kaminda a tene e redada, tambe vários arma di kandela, munishonnan, radionan di komunikashon i un vehíkulo Hummer. Durante e akshon, e organismo a detené tambe un muhé ku supuestamente a keda reklutá pa transportá droga pa eksterior.
E droga konfiská tabata pisa mas o ménos 22 gram.
A haña dos pasport, na nòmber di e hóben de La Rosa Encarnación, detené den e akto, i di Siria María Rocha Feliz, un sédula di identidat italiano i un buki di banko tambe na nòmber di e detenido, 4 pèrmit pa poseshon di arma di kandela, 15 kopia di sédulanan i 6 kopia di pasportnan di diferente persona, tambe 24 curriculum vitae di diferente persona te ainda deskonosí.
Segun DNCD, De Los Santos Jiménez ta un trafikante di droga, ku ligá ku vários ret di narkotráfiko, tabata reklutá personanan pa nan biaha komo ‘mulanan’ pa eksterior, hibando kokaina i heroina den nan stoma òf pegá na nan kurpa. Vários luna kaba DNCD tabata tras di e individuo aki.
Tantu De Los Santos Jiménez komo De La Rosa Encarnación ta wòrdu interogá pa DNCD, ku ta trata di haña informashon riba nan aktividatnan di narkotráfiko i riba e diferente retnan internashonal ku kua nan ta vinkulá.
