WILLEMSTAD – Awe den oranan trempan di mainta a hasi otro entrada hudisial e biaha aki den e bario di Janbos. Último dianan outoridatnan ta hopi aktivo ku entradanan na diferente adrès rònt Kòrsou. Esun di awe mainta ta relashoná ku investigashon den kaso di atrako. Tabata Tim di Aresto huntu ku Tim di Atrako ku a drenta den e kas na Janbos aki. A detené un hòmber sospechoso pa kaso di atrako. Na e sitio a listra den e kas tambe. Ademas a konfiská un Suzuki Swift greis na e sitio i a bai ku esaki tambe mesora. No a warda ni pa kran yega. E kaso ta den investigashon.
