Gerstenbluth: 97% di hende ku yega hospital no ta bakuna
WILLEMSTAD.-Premier Gilmar Pisas a presentá e sifranan di Covid di awe indikando ku tin 48 kaso positivo nobo for di un total di 2027 test ku a hasi. Aktualmente tin 36 hende hospitalisá di kua 18 ta den kuido intensivo. Pisas a duna di konosé ku awe tardi lo tin un reunion di evaluashon di e medidanan ku ta na vigor aktualmente. Den e evaluashon lo disidí si ta mantene, suavisá òf hasi e medidanan mas severo. Su filosofia ta pa nos sera pais, pero mester kuida otro.
Dr. Izzy Gerstenbluth a mustra ku di e 105 hendenan ku a keda hospitalisá di 22 di yüli te ku 23 di ougustus, 97% ta hendenan ku no ta bakuna. E epidemiólogo a enfatisá ku e sigur no ta forsa hende pa bai bakuna pero echo ta ku esnan ku ta yega hospital ku problema debí na Covid ta esnan ku no a bakuna òf nan no ta kompletamente bakuna.
Den deliberashon den Reino tur pais ta di akuerdo ku pa awor aki mester legumai e asuntu di ‘bubble’, esta e fasilidat di permití biahamentu entre islanan di eks Antia sin tantu stetmentu pa Covid-19. Por lo pronto mester stòp ku ‘bubble’. Mas detaye den edishon di EXTRA.
