A evakuá 3.00 persona pa kandela

Algun shen bombero tin trabou pisá den áreanan zùitwèst di Fransia, bringando kontra kandelanan di mondi. Ta usando avion i helikòpter pa yuda esnan na tera den kombatimentu dje kandela.

CANET E ROUSILLO, Fransia (AFP).- Outoridatnan franses a evakuá den kareda di 3.000 persona den un zona serka di Perpiñan, serka di frontera ku Spaña, na momento di kandela den un intenso ola di kalor.
E kandelanan, di kua 9 di kada dies kaso ta sendé pa hende, ta haña un situashon adekuá den kondishonnan di klima ekstremo ku Fransia ta biba aktualmente: temperaturanan hopi haltu, bientu fuerte i un vegetashon seku.
Den kareda di 3.000 hende a keda evakuá den vários ‘camping’ debí na e kandela na Sainte Marie la Mer i ku a plama bai Cane en Rousillon.
E promé minister Sebastien Lecrnu a referí na 7.000 foko di kandela for di inisio di temporada i 8.700 hektar ku ya a kima.
E kandela di mas grandi registrá e temporada aki a keda registrá djárason último den nortwèst dje siudat di Narbona i ta sigui avansá, alimentá pa bientu, despues di a kima kaba 900 hèktar. Gobièrnu di Fransia ta bou di preshon akusá di no a tuma sufisiente medida pa enfrentá e kambio di klima i e olanan di kalor.