Polis militar pará riba un plataforma elevá durante dje mega konsierto di e ‘pop star’ norteamerikano Lady Gaga, na Copacabana djasabra último.
BRASILIA, Brasil (AFP).- Outoridatnan brasilero a informá di a frustra un atake ku bòm durante un mega konsierto dje kantante Lady Gaga djasabra último den Rio de Janeiro.
Alrededor di dos mion persona a yena e playa di Copacabana, den “Ciudad Maravaillosa” pa skucha e diva norteamerikano, bou di un impreshonante despliegue di seguridat.
Polis di Rio a bisa, huntu ku Ministerio di Hustisia, “di a impedí un atake ku bòm ku lo mester a tuma lugá durante dje show di Lady Gaga den Copacabana”. Pa e kaso aki a detené esun “responsabel pa e plan”, un adolesente, i polis a tene razia den vários siudat dje estado di Rio de Janeiro, manera Sao Paulo, Rio Grande do Sul i Mato Grosso.
Segun outoridatnan , esnan envolví “a reklutá partisipantenan pa promové atakenan ku eksplosivo i molotov kòktel”.
Pa e konsierto di Lady Gaga djasabra último, outoridatnan a desplegá un impreshonante movishon di seguridat, ku mas ku 5.000 agente, tambe drones i kámaranan di rekonosimentu di kara.
