A gara yola ku 35 persona indokumentá i pakete sospechoso

WILLEMSTAD.- Wardakosta ta informá ku den oranan di mardugá e avion Dash di wardakosta a detektá un boto, tipo yola, na 3 mia zùitwèst di Daaibooi. Mesora despues ku e Dash a mèldu e informashon a saka un patruya di Metal Shark pa e sitio. Na yegada e tim di Metal Shark a topa e boto yola ku 35 persona indokumentá na bordo. E grupo tabata konsistí di 27 hende hòmber, entre nan 3 tiner i tambe 8 hende muhé. Tambe a topa ku un pakete sospechoso na bordo. Wardakosta a entrega e personanan i tambe e pakete na polis pa mas investigashon.

 

SHARE

LEAVE A REPLY