E aktivista pa derechinan humano, Sandra Dominguez (meimei), kende su kadaver a keda hañá seis luna despues di su desaparishon.
CIUDAD DE MEXICO (AFP).- E kadaver di un aktivista mehikano ku a denunsiá un aparente grupo di pornografia den e estado di Oaxaca, a keda hañá huntu ku esun di su kasá, tur dos pèrdí for di òktober pasá.
E kurpanan sin bida dje abogado di aktivista pa derechinan humano Sandra Dominguez i di su kasá Alexander Hernandez, a keda hañá durante di un razia den un finka dje estado di Veracruz.
“Nan a keda lokalisá den oranan di mardugá den un pos klandestino i a keda identifiká pa famianan”, segun un funshonario di ministerio públiko di Oaxaca.
E insidente akí a tuma lugá despues ku nan a tira i mata e ambientalista Marco Antonio Suástegui, kende tabata kontra di konstrukshon di un stashon di koriente den e estado bisiña di Guerrero.
Dominguez, di 38 aña, a denunsiá e eksistensia di un grupo di pornografia den kua vários funshonario estatal ta envolví.
Lidernan komunitario i defensornan di derechinan humano a sea disparsé òf a keda asesiná den último añanan na México, meimei di e violensia ligá na krímen organisá.
Segun e organisashon internashonal, Global Witness, den 2033 a mata na México un kantidat di 18 defensor di medio ambiente. Mayoria dje krímennan no a keda solushoná.
