LIMA, PERÚ (AFP).- E kurpa di un alpinista norteamerikano ku a pèrdè 22 aña pasá ora ku den sneu e tabata subi un seru di 6.700 meter di altura na Perú, a keda hañá momifiká i ku su paña den bon kondishon.
E norteamerikano William Stampfl, di orígen sloveno, a keda reportá komo pèrdí den yüni di 2022 ora ku un avalancha di sneu a tap’é den Huascarán di 6.757 meter, den e region Ancash, 400 km nort di Lima.
“Despues di un búskeda intenso nan a bin topa ku e kurpa momifiká i seku den e sneu di Huascarán”, esun mas haltu di Perú, segun polis a indiká.
E kambio di klima i e echo ku sneu a kuminsá smèlt a hasi posibel pa por a haña e kadaver ku tur e añanan a keda eksponé na airu liber.
E reskatistanan a identifik’é danki na su prendanan i pasport norteamerikano. E kondishonnan di friu ekstremo di sneu, ku por baha te na 19 grado bou di sero den oranan di anochi, a permití konservashon dje kurpa for di aña 2002.
