GAZA, PALESTINA (AFP).- Ehérsito israelí a hiba periodistanan pa mira e lokual a sobra dje edifisio enorme dje hospital Al Shifa di Gaza, destruí pa bombardeonan, kaminda a mustra nan e loke supuestamente ta tùnelnan di Hamas.
E edifisio médiko tabata e foko di vários pelea, ya ku ehérsito israelí tabata konvensí ku e movementu islamita palestino tabata warda na e sitio ei nan armanan i tabatin un sènt di komando, algu ku Hamas semper a nenga.
AFP a forma parti di un grupo di 21 periodista invitá pa bishitá e sitio. E potrètnan, video i entrevistanan publiká a keda someté na revishon di ehérsito israelí.
Kabelnan di koriente visibel, un paisahe urbano den ruina, glasnan kibrá. Tur esaki algun meter bou di tera, den un tùnel hanchu.
“E ta hopi largu”, segun koronel Elad Tsury, komandante dje di 7 brigada. “E tùnel aki ta bai for di di siudat pa e hospital”, segun el a duna di konosé na periodistanan den un kushina chikitu, ku labamano, bañonan i dos kama di metal.
“Ora ku nan ke protehá nan mes, e kombatientenan di Hamas ta baha i ta usa e hospital komo protekshon humano i nan por keda einan pa hopi tempu”, e militar a agregá.
Pero e periodistanan no por a bishitá sobrá dje tùnel. Nan a mira solamente un depósito di arma, munishon i eksplosivonan ku ehérsito israelí a mustra nan, bisando ku nan ta pertenesé na Hamas.
E bishita a keda organisá na momento ku ku Israel i Hamas a anunsiá un akuerdo pa liberashon di 50 rehen detené den Gaza a kambio di 150 palestino detené den prizònnan israelí, un tregua di kuater dia den e teritorio palestino.
