…Riba potrèt por mira e “drijflijn” na e tres playanan…
WILLEMSTAD.- Ministerio di GMN, riba enkargo di Minister di Asuntunan General enkargá ku Agrikultura, Medio Ambiente i Naturalesa señor Gilmar Pisas, a pone fasilidatnan na vários playa na Banda Bou relashoná ku e dianan di Siman Santu. A pone por ehèmpel ducha i pòrtapòti na playa di Sta. Cruz i èkstra bakinan di shushi na tur playa. Tambe a remplasá “drijflijn” na playanan kaminda e tabata kibrá.
Importante ta e parti ku a instalá “drijflijn” nobo na playa Kalki, Sta. Cruz i Kenepa Grandi. Esaki ta importante pa seguridat komo e “drijflijn” ta separá área di landamentu i trafikashon marítimo.
Un apelashon serio ta bai na doñonan di seadoo i boto, pa no mara esakinan na e “drijflijn”. E “drijflijn” no ta diseñá pa mara embarkashon na dje. Ku hasi esaki, e “drijflijn” ta kibra ku konsekuensia pa seguridat di esnan ku ta den laman.
