WILLEMSTAD – Djabièrnè 20 di novèmber 2020 e tim di kontrol formá pa polis (UBW) i M.E.O. a tene kontrol na establesimentunan den e siguiente áreanan, Caracasbaaiweg, Bapor Kibra, Zuikertuintje Mall, Nieuwestraat, Gosieweg, Prairieweg, Trai Seru, Cherokezenweg, Winston Churchillweg, F.D. Rooseveltweg, Amerikaweg, Schottegatweg West i Wishi.

A kontrolá un total di 25 establesimentu di kua 4 a keda será i 3 a haña un atvertensia.

Tambe polis a hasi kontrol den un establesimentu na Fuikstraat kaminda ku tabatin hende despues di e ora stipulá pa sera. Aki polis a detené 4 hòmber sospechoso di kua unu tabata den posishon di kokaina i den e establesimentu a haña i konfiská 5 paki chikí di mariwana kla pa bende. E hòmbernan aki despues di interogashon, dos a rekobrá nan libertat mesun anochi i e dos otronan awe den oranan di mèrdia por bai kas.

E kontrolnan aki ta kontinuá.

LAGA UN KOMENTARIO

Please enter your comment!
Please enter your name here