WILLEMSTAD.- Gobièrnu ayera pa medio di minister enkargá ku VVRP Charles Cooper a duna inisio na trabounan di yena buraku. Manera e minister  a bisa, yena e burakunan ku ta kibrando hende su outo.

Na okashon di e inisio di tapamentu di e buraku di kayanan kibra, minister Cooper a bisa ku nan ta hasiendo esaki pero pronto nan lo ta bek pa realmente kambia kapa di asfalt kompleto.

Ayera nan a duna inisio na e proyekto aki tapando burakunan na Kolebra Bèrdè i tambe Yotin Kòrta, Na e dos sitionan aki e kaya ta horibel, outomobilistanan su kurason ta hasi doló ora mester pasa na e dos sitionan aki sigur, pero na diferente otro mas riba nos isla.

Minister a bisa ayera ku Kòrsou tin hopi buraku den kayanan i mester baha esakinan pa pueblo stòp di kai den buraku ku nan vehíkulo.

Ayera a kuminsá ku 3 trùk di asfalt pero minister a bisa ku tin un trùk mas ku lo djòin e trabounan. Minister a splika ku ta hasiendo trabounan preliminar i buska fondonan pa hasi e parti di kambia e kapa mes.

Lo koba den kareda di 4 pa 5 centimeter i pone un lag nobo di asfalt. E kambiamentu di kapa ta kuminsá na sèptèmber awor.

Awor aki tin mas òf ménos 400 mil florin pa 500 mil ku lo invertí pa tapa buraku. I  a sobra e aña aki 2,6 mion i esei lo hasi otro kos kuné i esta pone e kap di asfalt nobo.

LAGA UN KOMENTARIO

Please enter your comment!
Please enter your name here