WASHINGTON, MERKA, AFP.- Agentenan di servisio merikano di imigrashon ICE a keda mandá pa e airopuertonan prinsipal di pais, segun un funshonario di gobièrnu, debí na eskases di persona di seguridat kousá pa parálisis presupuestario parsial di Kongreso.
Presidente Donald Trump a menasá djasabra di manda forsanan di ICE pa e terminalnan aéreo, kaminda biaheronan ta spera oranan debí na falta di personal di agensia di seguridat di transporte TSA.
Pa e bloke presupuestario, e funshonarionan no a kobra. E personal di ICE a asumí e responsabilidatnan di e agensia aki den e aeropuertonan kongestioná. ICE ta bou di un kontròl intenso pa e tiroteonan mortal ku a sosodé meimei di operativonan anti migratorio. Angeline Peart ta sigurá di a yega na víspera ku tres ora delantá pa su buelo, pero finalmente el a pèrdè esaki debí na retraso pa kontròl di seguridat.
“Mi ta bai falta trabou”, pa esaki asina e enfermero di 27 aña a splika AFP na e aeropuerto di Atlanta. Suez Khan, un artista di 28 aña tambe na Atlanta a konfia den e presensia di ICE na e airopuerto ku e lo yuda pa e kontròlnan kana mihó i ku e por bai kas bèk.
