WILLEMSTAD.- Resientemente e formashon musikal ‘A Piacere’ tabatin un presentashon riba Plasa Jojo Correa kaminda nan a entretené e públiko ku presentashon di nan repertorio ku ta kontené músika kultural, klásiko, folklóriko di Kòrsou.
Nan intenshon ta pa preservá e tradishon musikal di Kòrsou manera, Wals, Dansa, Mazurka, Tumba i ta interkambiá esaki na okashon ku Bolero, Merengue i Son.
Durante dje wikènt aki lo bo por disfrutá dje presentashon di ‘A Piacere’ durante di ‘Kosecha Kultural’ na Lanthùis Bloemhof.
