WILLEMSTAD.- Awe Vanddis BV a entrega petishon di bankarota di e kompania Lovers Industrial Corporation BV na korte di hustisia.
E desishon drástiko aki a wòrdu tumá despues di konsiderashonnan intensivo i kouteloso di tur e diferente alternativanan. Den e último añanan a hasi tur lokual tabata posibel i na alkanse pa garantisá kontinuidat di e kompania Lovers. No opstante e esfuersonan inmenso ku a wòrdu hasí, Lovers a haña su mes den un situashon kaminda ku e no por dispone riba su propio fondonan despues ku akshonistanan minoritario (representá dor di Cindy van der Dijs i Oswald van der Dijs) a laga pone embargo riba tur e kuentanan bankario di e kompania basá riba un ‘claim’ monetario enorme, kual ‘claim’ Lovers no ta rekonosé. Esaki a hasi imposibel pa Lovers por sigui ku operashon di e kompania di un forma responsabel.
Mas informashon den EXTRA mainta.
