WILLEMSTAD.- Ayera a rekordá i honra fecha di nasementu di Ced Ride i alabes su fayesimentu. Dia 14 di yüli 2021 e gran baluarte di músika lokal, Ced Ride a fayesé na CMC. Ced Ride a fayesé ku 77 aña. E aña ei mes, riba dia di bandera, esta, algun dia promé ku el a fayesé a dun’é rekonosementu, Krus di Mérito, pa su trayektoria largu den músika ku vários kansion ku a bira hopi popular.
E santu sakrifisio di misa ayera tabata na Misa di Suffisant presidí pa pastor Morrison. E misa a konta ku algun di su kansionnan. Riba e potrètnan por mira e Santu Sakrifisio di misa na honor di selebrashon di fecha natal di Ced Ride i tambe rekordando su 4 aña di fayesimentu.
