SALT LAKE CITY, UTAH, MERKA, AP.- Un persona ku tabata atendé ku un persona malu ku Zika na Utah tambe a infektá, pero ainda no ta kla kon e vírus a keda transmití. Asina funshonarionan di salú a informá djaluna.
E sanguranan tropikal ku ta e transmisor prinsipal di Zika no ta presente na temperaturanan haltu kaminda e dos personanan aki ta biba. Asina funshonarionan di departamento di Salú di kondado Salt Lake a indiká. Nan no tabatin kontakto seksual, kual ta e forma típiko den adulto ku no a risibí e piká di a sangura Aedes òf transmishon di mama pa yu.
“E kaso nobo di Utah ta un sorpresa, loke ta mustra ku ainda tin hopi kos ku nos mester sa tokante Zika”, segun epidemiologia Erin Staples, di sentro pa Kòntròl i Prevenshon di Enfermedat.
E kuidadó a rekuperá kompletamente, pero outoridat no a duna mas detaye.
E persona a kuida di un ansiano ku a haña e enfermedat den un nashon ku presensia di epidemia di Zika, kende a kombertí den e promé persona infektá ku Zika ku ta muri den e pari kontinental di Merka.
E kuidadó no a biaha pa un área infektá pero kisas un sangura a regresá ku su famia, kisas den un maleta, segun Tom Frieden, direktor di CDC.
E hòmber ku a fayesé na final di yüni, tabatin un nivel inusualmente haltu di vírus den su sanger, mas di 100.000 biaha ku den otro muestra di personanan infektá. Trahadónan di e sektor di salú ta eksaminando otro personanan ku tabata den kontakto kuné i funshonarionan ta kapturando sanguranan na Utah pa eksaminá esakinan.
This function has been disabled for èxtra.