MADRID, AP.- Polis spañó a detené un hòmber ku tabata kore riba e pista di aeropuerto di Madrid pa e por yega na su buelo di Ryanair di Isla Canaria despues ku e no a yega na tempu pa subi esaki.
E individual a keda detené despues di a yega Canaria djabièrnè, segun un bosero di Aeropuerto Spañó i Nabegashon Aéreo (AENA). E individuo a pasa e punto di seguridat ku un ticket pa e buelo, pero no a logra subi esaki apropiadamente, segun e bosero.
El a subi via e porta spesial pa kasonan di kandela direkshon di un tùnel pa pasahero ku no tabata den uso. Despues di esaki el a bula riba pista ku su ekipahe. Un video publiká riba Facebook, kapturá pa empleadonan di e aeropuerto ta mustra e hòmber koriendo riba e pista.
No tabata evidente kon el a logra drenta e avion. Robin Kiely, bosero di Ryanair, a bisa ku e insidente ta korespondé na polis di Madrid, ya ku e video ta relashoná ku un violashon di medidanan di seguridat di e aeropuerto.
Polis no a publiká nòmber di e hòmber. E bosero a bisa ku probablemente e ta risibí un but.
Funshonarionan a papia ku kondishon pa mantené anonimato debí ku nan no tabata outorisá pa wòrdu identifiká.
