LA PAZ, AP.- Fiskalia di Bolivia a detené un di e sospechosonan prinsipal di asesinato di vise minister di régimen interior Rodolfo Illanes detené komo rehen siman pasá durante di un protesta minero.
” Ta un detenshon importante, ta trata di e minero ku ta aparesé riba un video banda di Illanes”, asina e fiskal general Ramiro Guerrero a informá. Den un komunikado di ministerio públiko a identifiká e minero komo Freddy Cruz ku den e video ta aparesé huntu ku e funshonario retené pa míles di minero ku a blòkia e kayanan reklamando e gobièrnu atenshon den vários demanda pa por enfrentá un krísis den e sektor.
Te ku ayera ministerio públiko a detené 12 minero den e kaso aki entre nan e dirigente prinsipal Carlos Mamani. Fiskal a anunsiá tambe ku a kuminsá un investigashon riba morto di 5 minero pa proyektil di bala den chokenan ku polis den e bario di Panduro, na 130 kilometer di La Paz.