PARIS, AP.- E sala di konsierto Bataclan na Paris, a develá un fachada nobo kasi un aña despues di tabata esenario di atakenan terorista ku a mata kasi 130 persona den e kapital franses.
Despues di vários luna di renovashon, e nòmber di e sala di konsierto, a regresá pa koroná e entrada prinsipal.
Bataclan lo bolbe habri su portanan dia 16 di novèmber ku un aktuashon di e músiko britániko Pete Doherty.
E alkalde di Paris a bisa ku a realisá seremonianan di konmemorashon den kada sitio di atake di 13 di novèmber, ku partisipashon di famianan di e víktimanan.
Tres ekstremista islámiko a drenta den Bataclan durante un konsierto di e grupo di rock merikano Eagles òf Death Metal armá ku eksplosivo i armanan outomátiko, miéntras ku otronan a atake cafe, restorant, i un stadion.