KRALENDIJK – Abogado Michiel Bikerk, kende ta sali na defensa di e grupo di penshonado di SVB ku ainda no por kobra nan penshun di behes, a krusa frontera pa buska solushon pa e penshonadonan.E abogado a manda un karta pa minister Koolmees di SZW, ku e petishon pa solushon pa e penshonadonan víktima di SVB Kòrsou.

Bijkerk ta skirbi: “Manera ta konosí pa bo, Korte Komun di Hustisia dia promé di mart den su veredikto a indiká ku Banko di Seguro Sosial, SVB, no por retené 10% di penshun ku for di yanüari 2017 ta tumando lugá. Meskos tambe e bonùs di pasku anual ku desde 2016 no a paga mas, pa paga esaki ku forsa retroaktivo na e penshonadonan ku ta biba na Boneiru, Saba, St. Eustatius i St. Maarten i tambe pa sigui paga esaki.”

 

Primintimentu

Primeramente SVB a nenga pa kumpli ku e veredikto. Sinembargo medio yüni a kambia di opinion i a primintí di bai paga.

Di parti di abogado Bijkerk, na nòmber di e penshonadonan, despues di yüni a duna SVB espasio pa sikiera kuminsá paga esnan ku komo promé a entregá e dokumentonan nesesario. Sinembargo, te asina leu ku ta konosí, ningun penshonado a risibí niun pago.

Dia 7 di òktober a yama un reunion ku e penshonadonan pa atendé un ke otro. For di e reunion aki a sali na kla ku SVB a primintí algun di e penshonadonan, pero ku realmente ningun no a risibí pago.

SVB no a tuma kontakto tampoko kuné, segun e abogado, pa por ehèmpel duna di konosé ku dia nan ta bai kuminsá paga. Primintí di kumpli ku e veredikto, ta nifiká pues ku te na e momentu aki no a hasi niun pago.

 

Opshon

Den e kaso aki no ta eksistí un posibilidat simpel pa nos pa por ehèmpel pa pone beslag, tampoko otro medionan di preshon pa haña SVB asina leu pa paga. Pa hasi esaki posibel mester entamá un seri di kaso individual, loke te ainda ta un opshon habrí. Sinembargo esaki ta kosto hopi tempu i ta solamente algun di e esnan ku tin derecho finalmente lo risibí pago.

Apesar di tur kos, esnan ku tin derecho ta biba riba sinku diferente isla i no ta realístiko pa sa si tur e 600 pa 700 personanan aki realmente ku entamá un kaso individual.

 

Ayudo

P’esei, Bijkerk ta skirbi den su karta, e ta pidi e minister di SZW i ku ekstenshon di gabinete hulandes, pa di un òf otro manera i manera mas efektivo yuda e penshonadonan víktima.

Generalmente ta konosí ku SVB ta bringa ku falta di medio finansiero. Un di e motibunan pa esaki ta ku ta paga salario eksorbitantemente na trahadónan di SVB, en todo kaso na e direktor. Bo kolega di BZK ya a duna di konosé ku aki nan pa mas tardá promé di novèmber 2021 mester hasi algu, Bijkerk ta skirbi.

 

Sugerensia
Entretantu no ta mira ku realmente lo yega na un solushon pa e penshonadonan riba término korto. “P’esei mi ta uni mi mes na un sugerensia lógiko i rasonabel ku a bin dilanti durante e reunion di 7 di òktober. E sugerensia ta pa hasi petishon na gobièrnu hulandes pa tuma e pago di e penshonadonan di SVB di islanan BES kompletamente i seguidamente kobra SVB e kostonan mará na esaki. Esaki naturalmente den bon konsulta ku SVB pa di e manera aki por kumpli ku e veredikto di Korte i na mes momentu keda salbá pa un parti di su atministrashon. E penshonadonan e ora ei no mester warda hopi i gobièrnu hulandes tin sufisiente medio di preshon suave i fuerte pa haña e gastunan bèk for di SVB, Bijkerk ta skirbi.

 

Sosten

Bijkerk ta skirbi: “Nos ke proponé e posibilidat aki tambe pa e penshonadonan ku ta biba na St. Maarten, pero ta tene kuenta ku por tin opstákulonan di derecho di estado. Na promé lugá ta parse sinembargo esaki ta riba e kaminda di gobièrnu di St. Maarten pa atendé e kuestion aki ku SVB pa e penshonadonan di St. Maarten.”

Sí gobièrnu hulandes por sostené St. Maarten tambe den esaki. Sinembargo pa islanan BES ta konta ku gobièrnu hulandes ta e gobièrnu di mas haltu. No mag i por hasi un apelashon direktor na nos gobièrnu, loke aki nan ta pues ta sosodé,” Bijkerk ta skirbi.

 

LAGA UN KOMENTARIO

Please enter your comment!
Please enter your name here