KRALENDIJK – Addo Stuur a fayesé. Addo ta e persona ku añanan atras a habri den Kaya Grandi e libreria Addo’s, ku despues a move pa Kaya Industria. Addo mes tambe tabata eskritor di bukinan tokante kòmpiuter.

Stuur a mira merkado sierto momentu pa habri un libreria na Boneiru. El a sòru semper bai pa un surtido bon di buki i tambe artíkulo pa ofisina. Spesialmente el a pone atenshon na outornan antiano i tabata invitá nan tambe pa presentashon di bukinan ku nan saka.

Addo a studia ortopedagogia na Rijksuniversiteit Leiden. E estudio aki sin duda siñ’é kon importante lesamentu di buki ta pa mucha. P’esei tambe e tabata embolbí na Boneiru ku Stichting Lezen en Schrijven, ku a kuminsá operá un mediabùs na unda muchanan por fia buki.

Algun aña pasá Addo Stuur, kasá desde 2013 ku Magda Judith Stuur-Quiñonez, a bende nan negoshi i a bai biba na Málaga, Spaña.

LAGA UN KOMENTARIO

Please enter your comment!
Please enter your name here