WILLEMSTAD.- Habitantenan di den área di Rhederslust/ Kaya Choromi ta kansá i fadá di un adikto molestioso ku tin den e área. Segun e habitantenan, for di 2020, e konosido adikto Ginoson ta biba den labadó dje kaya enkuestion. Konstantemente e ta sende kandela, i tira kas di bisiñanan ku piedra. Riba dje, ora ku yama polis p’e adikto aki, habitantenan ta haña di tende ku no por hasi nada ku e situashon aki, pasó e adikto no ta bou di kuratela. E pregunta ta surgi si no tin niun instansia aki na Kòrsou ku por i ke atendé, òf su famianan. Mester hasi algu promé ku e situashon sali for di man.
