WILLEMSTAD.- Advent Hospital semper ta kla pa yuda ku situashon di Covid-19 na nos pais. Asina sra. Cenaida Panneflek, direktor di Advent Hospital, a bisa djabièrnè mainta durante un rueda di prensa. Pero segun Panneflek te ainda nan no a haña klaridat for di minister di Salubridat riba kua kondishon Advent por manda enfermera I dokernan na CMC pa yuda. ‘Nos a manda un karta ku pregunta na minister di Salubridat pero te ainda nos no a haña kontesta. Nos ta warda pa esei, pasobra nos ke klaridat kiko ta e kondishonnan ora nos sera parti di nos hospital pa manda nos dòkternan I nos enfermeranan.’
Panneflek a splika ku e ta lamentá ku gobièrnu no ta kontesta. Manera ta konosí CMC ta e hospital pa atendé ku pashènt ku Covid-19. Na Advent nan no ta atendé ku e pashèntnan ku Covid-19. ‘Nos por duna tratamentu elektivo hopi bon i por ehempel nos tin scan di MRI hopi bon.’ Pero te ainda no hopi pashènt ta biniendo. ‘Nos ta lamentá esaki. Pasobra nos no tin virus den hospital i nos ta kla pa yuda.’

LAGA UN KOMENTARIO

Please enter your comment!
Please enter your name here