WILLEMSTAD.- Aeropuerto Internashonal di Kòrsou (CUR) ta enkontra ku problema tékniko di komunikashon, kousá pa un falta ku SITA, e prometedor di servisio enkargá di manehá e internèt di aeropuerto i tur sistema pa maneho di pasahero, inkluyendo e balia pa check-in.
Fayna Sleur–Haseth, Manager Corporate Communications & Public Affairs Curaçao Airport Partners N.V. ta splika: “Nos kier sigurá bo ku e problema aki no ta afektá siguridat di operashon òf tráfiko aéreo. Buelonan por sigui aterisá i sali segun plan. Pa akomodá nos pasahero durante e situashon aki, e proseso di check-in ta hunga manual. Komo resultado, ta posibel ku tin filanan mas largu. Nos ta pidi bo pasenshi i komprenshon miéntras nos ta traha pa resolvé e situashon.”
CUR ta den komunikashon serka ku SITA. “Nos ta sperando un solushon pronto pa e problema aki. Nos lo sigui duna ‘update’ asina tin informashon nobo disponibel.”
update;
CAP ta kaba di anunsia ku e problema a keda solushona i e situashon na airopuerto CUR ta bek na normal.
