BRUSELAS, BELGIKA, AFP.- Aeropuerto di Bruselas, esun di mas grandi di Bèlgika, a kanselá tur buelo plania ayera pa motibu di un wèlganan di bewakernan ku ta demandá oumentonan salarial pa motibu di inflashon.
E atministrashon di e aeropuerto a informá ku a kanselá 232 buelo total, kual a afektá 30.000 pasahero.
Buelonan komersial ku a yega tambe a wòrdu afektá. Di otro banda, tur tráfiko di merkansia a kontinuá sin interupshon.
E terminal aéreo tabata praktikamente bashí djaluna. Un studiante a bisa ku tur pasahero a wòrdu notifiká di e kanselashon via e-mail i a haña instrukshon pa drenta den kontakto ku e aerolíneanan responsabel pa nan buelo.
Algun buelo a wòrdu dirigí pa otro terminalnan regional belga.
E tres sindikatonan prinsipal di Bèlgika, FGTB, CSC i CGSLB a realisá un dia di akshon nashonal pa eksigí mihó salario.
