KABUL, AP.- Elekshon parlamentario na Afganistan a drenta den su segundo dia djadumingu, despues di tardansanan kousa pa violensia i problemanan tékniko. Un bòm a mata 11 sivil, inkluyendo mucha.
E hefe di Komishon Elektoral Independiente, Abdul Badi Sayat, a bisa ku mas di 3 mion di e 8,8 mion votadónan registrá a depositá nan ticket djasabra. Gran parti di e partisipashon tabata na Kabul i esun mas abou den parti sùit di e provinsia di Uruzgan.
E votamentu lo tuma lugá na 401 kolegio elektoral, 45 di nan na Kabul. E resultadonan lo no wòrdu publiká te meimei di novèmber i e konteo final lo wòrdu publiká den desèmber.
E promé elekshonnan parlamentario na Afganistan desde 2010 a wòrdu realisá ku un serie di atake kasi diario di Taliban, ku a okupá kasi mitar di e pais i a nenga reiteradamente pa negoshá ku e gobièrnu di Kabul. E gobièrnu respaldá pa Merka, ta pèstá ku korupshon i mayoria di e afganonan a bisa ku nan no por ni spera riba un elekshon hustu.
E vishon di Nashon Uní den Afganistan a elogiá esnan ku a fòrsa pa vota apesar di problemanan tékniko, mayoria di kual mester a para den un rei largu pa vota.
