KABUL, AFGANISTAN, AFP.- E retirada militar merikano di Afganistan ta den un proseso hopi avansá, segun indikashon di un funshonario merikano, despues ku presidente Donald Trump a bolbe eksihí pa e trupanan regresá Merka.
Afganistan a registrá un dia trankil ku solamente un insidente importante. Djamars un tregua di tres dia dekretá pa e grupo taliban a finalisá. Ainda e grupo no a anunsiá si lo prolongá esaki.
“E retirada a wòrdu aselerá dor di e prekoushonnan tumá pa kontené propagashon di COVID-19”, segun e funshonario di e departamento di Defensa merikano.
Merka a komprometé na redusí su efektivonan militar di 12.000 pa 8.6000 pa yüli, segun un akuerdo firmá ku e grupo taliban riba 29 di febrüari na Doha.
