PARIS, FRANSIA, AFP.- E Agensia France Presse (AFP) ta presentá un denunsia pa violensia deliberá i menasa di morto i tambe opstrukshon di libertat di ekspreshon, despues di agreshon djasabra pasá kontra periodistanan di e agensia den un protesta kontra un lei di vakunashon, asina e direktor general Fabrice Fries a informá.

AFP ta disidí na defendé ehekushon di e profeshon di periodista riba tur tereno i lo presentá un denunsia awe djaluna asina Fabrice Fries a sigui bisa.

E agensia di prensa lo presentá un denunsia na fiskalia na nòmber di dos di su periodistanan agredí pa violensia deliberá den reunion i menasa di morto i na su mes nòmber tambe opstrukshon di libertat di ekspreshon.

“AFP ta kondená e agreshonnan verbal i awor físiko kontra di su personal i ta preokupá pa e nivel nobo di violensia ku ta tumando lugá”, asina Fries a indiká. Djasabra pasá dos periodista di AFP i dos agente di seguridat ku tabata kompañá nan a keda agredí violentamente miéntras nan tabata kubri un manifestashon kontra e lei di vakunashon, konvoká na Paris pa e kandidato di ekstremo derechista na presidensialnan Florian Philippot.

LAGA UN KOMENTARIO

Please enter your comment!
Please enter your name here