oumentá su produkshon di Urano meimei di tenshon fuerte ku Merka, segun indikashon di dos agensia di notisia.
Ounke rapòrtnan ta indiká ku e produkshon di Urano ta na e límite di 3,67%, imponé pa e akuerdo nuklear di 2015, kual Tehran a firma ku otro potensianan mundial, pronto Iran lo pasa e límite establesé bou di e akuerdo.
E susesonan ta desaroyá despues di vários dia di tenshon provoká pa e despliegue di avion i barkunan di karga merikano den Golfo Pérsiko dor di menasanan no spesifiká di parti di Iran.
Outoridat di Emirato Arabe Uni a afirmá ku kuater petrolero a sufri daño durante un sabotahe. Rebeldenan yemeni aliado ku Iran a ataká un oleodukto na Saudi Arabia. E tenshon aki ta kulminashon di Trump su desishon pa saka Merka for di e akuerdo nuklear ku Iran a firma ku vários potensia internashonal. Tantu Washington komo Tehran ta afirmá ku e paisnan no kier guera, pero mayoria ta teme ku un eror di kalkulá por saka e situashon for di kontròl.
