SANTO DOMINGO (AFP).- Outoridatnan dominikano a informá di a detené tres agente di aeropuerto Las Américas envolví den un grupo di narkotráfiko pa kua ya a detené tres aleman. E investigashon a originá kuminsando ku konfiskashonnan di droga na Aeropuerto Internacional de Las Américas, kaminda a pone man riba 46 kilo di kokaina.
E agentenan detené -dos spesialista den seguridat na aeropuerto i otro den tim antinarkótiko- aparentemente tabata fasilitá e entrada di mulanan kargá ku droga. E droganan konfiská tabata den operashonnan separá, dianan 18 i 22 di desèmber.
Den e promé kaso, un siudadano aleman (48) a keda detené kla pa biaha pa Frankfurt ku 17 paki di kokaina, di 1 kilo kada un. Algun dia despues a haña 28 kilo di kokaina den un saku bandoná den tualèt di Las Americas. Pa esaki a detené dos aleman ora ku nan ker a sali for di e pais via di Punta Cana.
Aña pasá outoridatnan dominikano a konfiská 44 tòn di droga na aeropuertonan dje pais.
