LOUISVILLE, MERKA, AFP.- Un agente polisial di Louisville a wòrdu akusá ku tres kargo di “Wanton Endangerment” en konekshon ku e tiroteo di Breonna Taylor, un mucha muhé koló skur di 26 aña, kual su morto tambe e kousa protestanan masivo di Black Lives Matter.
Hues Annie O’Connell a anunsiá e kargonan kontra agente Brett Hankison, un di e tres agentenan polisial embolbí den e tiroteo fatal den mart.
Outoridat no a akusá e otro agentenan kual mesora a resultá den protesta den Louisville, e esena di vários siman di manifestashonnan anti rasismo.
E abogado di famia Ben Crump a bisa ku e akusashonnan pa ‘Wanton Endangerment’ ta ofensivo pa motibu ku e no ta hasi e agente kulpabel pa morto di Taylor.
Pues Hankinson, kende a haña retiro di e departamento di polis, no a wòrdu kondená pa tiroteo di Taylor pero pa balanan ku el a los i kual a impaktá apartamentunan serka.
