LONDON, AP.- E atenshon nashonal i internashonal riba e hinkamentu ku a sosodé serka di London Bridge ta enfokando riba e echo ku a laga e outor den libertat apesar ku el a wòrdu kondená pa terorismo. Dos persona a muri i tres mas a resultá heridá den e atake aki.
Usman Kahn a wòrdu kondená ku terorismo, pero a sali liber promé ku el a kumpli ku su kondena.
Polis a tir’é mata djabièrnè pero ainda tin hopi pregunta relashoná ku e kaso aki. E pueblo britániko a purba haña kontesta djasabra, miéntras polítikonan di e pais ta kulpa otro pa un fayo den e sistema di seguridat, kual a mantené London liber di atakenan terorista durante dos aña largu.
Polis a bisa ku a kondená Khan pa delito di terorismo na aña 2012 i a wòrdu pone den liberá desèmber 2018 “bou di lisensia”, kual ta nifiká ku e mester kumpli ku sierto kondishon òf e lo keda enkarselá atrobe.
