DOTHAN, ALABAMA, MERKA, AP.- Un hòmber di Alabama a wòrdu ordená pa stòp su outo pa polis debí ku e tabata kore duru. despues di un persekushon polisial el a sali di su vehíkulo i a menasá e agentenan.
Dawamm Harriis, di 34 aña i di Hurtsboro, a keda detené djabièrnè, segun indikashon di polis na medionan di prensa lokal. E ta enfrentá kargonan di menasa terorista i intento di agreshon premeditá.
Den un komunikado, polis a informá ku e agentenan a kuminsá persiguí Harris despues di a mira ku e tabata kore duru. E persekushon a konkluí na momentu ku Harris a dal su vehíkulo kontra esun di un polis. Niun hende no a resultá heridá.
Teniente di polis Will Glover a bisa ku Harris ta akusá di menasá ku mata e polisnan na momentu ku el a sali di su outo i a keda detené pa polis.No ta evidente si e tin un abogado.
