FLORENCE, MERKA, AFP.- Jonathan Riches a asistí na 40 protesta di eks presidente Donald Trump i ta kere ferviente ku a hòrta voto di su ídolo den e último elekshonnan di Merka.
Meskos ku otro míles di persona ku a pasa oranan den un tereno yen di tera di Arizona fin di e siman ku a pasa aki pa nan papia ku Trump. Serka nan e kreensia ta subiendo asta aun mas apesar ku su partido republikano ta purba bira kos.
“Nos stima nos presidente. Nos stima presidente Trump pasobra ainda nos ta konsiderá nos presidente”, asina Riches di 44 aña a bisa na AFP.
Riches ta un di e mílesnan ku a biaha pa Florence, 100 kilometer di Phoenix pa e festival di wikènt ku a pasa. Algun a yega dianan delantá i a biaha distansianan largu, Riches for di Tampa Florida pa e reuní den un ambiente di fiesta ku amigunan di henter e pais.
