Ala di un avion Airbus A380 ku ta keda inspekshoná
TOULOUSE, FRANSIA, AFP.- E agensia oropeo di seguridat aéreo EASA a ordená e inspekshon di 16 Airbus A380, sinku di nan ku karakter di urgensia, despues di a haña iregularidat (grietas) riba e struktura di e alanan di un avion, asina e fabrikante a informá ayera.
Di e 16 avionnan, 15 ta operá pa e aerolínea Emirates i un pa e oustraliano Qantas, asina Airbus a indiká. Sinku avion di Emirates mester keda revisá mesora for di awe djárason i promé ku nan próksimo buelo. Emirates ku sede na Dubai ta e kliente mas grandi di Airbus pa e A380 ku un flota di mas di shen di e avionnan aki ku ta bula distansia largu.
A deskubrí “grietas” den un aparato ku por komprometé e integridat struktural di e ala durante di un inspekshon ordená pa EASA na desèmber 2025, asina e fabrikante oropeo di e avion a indiká.
Tur e A380 ku e mesun historial di produkshon a keda identifiká i Airbus ta hasiendo inspekshon mesora riba e 5 aparatonan.
