Akisha Albert ta konkistá e título di “Miss Elegansia 2018”

WILLEMSTAD.- Den kuadro di e sertámen di “Miss Curaçao Beauty Pageant 2018” djasabra 25 ougùstùs último Curaçao Beauty Pageant Committee a organisá kompetensia di “Miss Elegansia”, kual a tuma lugá den ballroom di Hotel Renaissance.
E kandidatanan partisipante na e sertámen di “Miss Curaçao Beauty Pageant 2018” a dominá un desfile maravioso i elegantísimo pa presentá kolekshonnan espektakular di diferente kasnan di moda manera Capricho de Mujer i Dolce Vita.
Tabata un anochi eksitoso i sumamente bunita den kua a duna homenahe na señora Annemarie Braafheid kende 50 aña pasa a optené e título di promé finalista den e sertámen di Miss Universo. Tambe a hasi uso di e oportunidat pa presentá i alabes koroná Alexandra Atalita kende ta Kòrsou su representante na e sertámen di Miss Earth dia 3 di Novèmber próksimo na Phillipinas. Alexandra resientemente a kompetí den e sertámen di ‘Miss Earth Brabant’ na Hulanda i a optené e título di promé finalista.
Na final di e tremendo anochi aki Akisha Albert a konkista e título di “Miss Elegansia”.
Djadumingu awor, 2 di Sèptèmber próksimo ta tuma lugá sertámen di Miss Playa na Zeilhaven Brakkeput, miéntras ku e sertámen final di “Miss Curaçao Beauty Pageant ta tuma lugá dia 8 di sèptèmber na WTC.

SHARE

LEAVE A REPLY