WILLEMSTAD – Awe mardugá outoridatnan mester a akudí ku urgensia pa Schottegatweg Ost na altura di e lusnan di tráfiko na krusada di Pizza Hut i TUI direkshon di Zeelandia pa un aksidente di tráfiko serio. Na yegada ya un di e víktimanan no tabata duna señal di bida. Ta asina ku e outo un KIA Rio pa un motibu òf otro a bin dal den pal’i lus ku konsekuensia fatal pa e víktima. Den e outo aki tabatin kuater persona di kual e otro tres nan tambe a Sali herida i a keda transportá ku urgensia pa CMC. Brantwer tambe mester a akudí na e sitio pa duna asistensia pa asina kòrta e vehíkulo pa por a saka e víktima. Polis tabatin henter e área sera pa por hasi nan investigashon tambe.
