WILLEMSTAD – Djamars 28 di aprel 2026 alrededor di 01.41’or, Sentral di Polis a risibí informashon di un aksidente grave ku a tuma lugá riba Helmin Magno Wiels Boulevard na altura di entrada di un sentro komersial, kaminda ku un vehíkulo (outo di famia) a alkansá un persona na pia. Na yegada di e promé unidat polisial, el a bin topa un hòmber bentá riba kaya ku múltiple leshon na su kurpa. Mesora a pidi presensia di ambulans pa transportá e víktima pa Sala di Emergensia di C.M.C. Alrededor di 07.10’or, a drenta informashon na Sentral di Polis ku e víktima a fayesé a konsekuensia di e slanan ku el a risibí den e aksidente. Personal di Departamento di Tráfiko ta investigando kousa di e aksidente.
—–
UPDATE di Kuerpo Polisial di Kòrsou: E víktima di e aksidente di tráfiko ku a tuma lugá djamars dia 28 di aprel 2026 a keda identifiká komo Marco Alejandro Arsenio Maduro, nasé na Aruba dia 11 di aprel 1988.
){kind=link}