Riba e potrèt por mira e loke a sobra dje minibùs ku a krusa riba reilnan nèt na momento ku un trein tabata aserká.
BUGGEHOUT, Belgika (AFP).- Vários persona a muri djamars na nort di Bèlgika den un aksidente entre un trein i un bùs di skol den kua tabatin kantidat di mucha. Bosero di polis federal belga, An Berger, a indiká na e kanal VRT ku na bordo dje vehíkulo tabatin shete mucha, e shofùr i un kompañante. E insidente a tuma lugá den e siudat di Buggenhout, parti nort di Brussels.
E aksidente a tuma lugá den kareda di 08:08 ora lokal. Un trein a bai dal kontra di un minibùs ku mester a hasi un parada. “E impakto tabata hopi violento”, segun un fuente. E persona responsabel a bisa ku e balansa di víktima ta “dramátiko”, pero no a duna detaye.
E Minister di Interior, Bernard Quintin, a lamentá e aksidente trágiko den un mensahe riba ret sosial X “Mi pensamentunan ta ku e víktimanan i nan famianan, segun Quintin a skibi. Polis federal tampoko ker a duna informashon presis di kantidat di morto i herido.
