WILLEMSTAD – Awe mainta polis mester a akudí ku urgensia pa un aksidente serio riba Schottegatweg Ost nèt despues di e lusnan di tráfiko na altura di Mangusa Supermarket. E vehíkulo embolbi den e aksidente tabata den direkshon pa Goisco. E shofùr, un dama a pèrdè kòntròl i dal den muraya. Na yegada di ambulans a konstatá ku e dama a fayesé. Polis a identifiká e víktima komo Ratna Shivasani Agard, nasé na Kòrsou, dia 3 di òktober 1967. EXTRA mester apuntá ku no ta promé bia ku den e bògt ei ta sosodé aksidentenan grave. Un tempu pasa e komunidat a lamentá morto di dos persona ku a lanta mainta pa bai kumpli ku nan trabou, pero no a regresá nunka mas debí na aksidente serio. Ta di spera ku e outoridatnan kompetente ku ta atendé ku tráfiko i nos kayanan por realisá ku awa a pasa hariña i mester pensa maneranan pa redusí velosidat sigur den e área ei.
