LONDON, AP.- Un aktivista Anti-Brexit kende a gana un kaso hudisial kontra e gobièrnu britániko a atvertí ku e lo bolbe bai korte si e próksimo promé minister purba saka Gran Bretaña sin un akuerdo for di Union Europeo.
Empresario Gina Miller a informá ku el a duna su abogadonan òrdu pa avisá e legislador di Partido Konservador Boris Johnson, pa tene kuenta ku esaki segun pronóstikonan ku e lo bira e promé minister.
Johnson, kende ta faborito pa remplasá Theresa May komo promé minister e luna aki a afirmá ku ta imperativo ku Gran Bretaña ta bandoná UE riba 31 di òktober, manera ta programa pa sosodé.