HAMBURG, ALEMANIA, AFP.- E kofundadó di e asosiashon ruso Memorial, Irina Shcherbakova, premiá ku un Nobèl di Paz e aña aki, a sigurá djadumingu ku e no ta mira un posibel solushon diplomátiko den e guera di Ukrania miéntras ku e presidente ruso, Vladimir Putin ta na poder.
“Mi ta apsolutamente konvensí ku lo no bini un solushon diplomátiko posibel ku e régimen di Putin miéntras e ta na poder”, asina Shcherbakova a sigurá na Hamburg, kende a sali for di Rusia despues di inisio di e invashon ruso na Ukrania i ta bibando na Alemania aktualmente.
El a risibí e premio Marion Doenhoff pa su defensa di derechonan humano na Rusia.
E dirigentenan di Memorial lo tuma e Nobèl di Pas riba 1e di desèmber na Oslo, huntu ku e militante Belarus defensor di derechonan humano Ales Bialiatski i responsabelnan di Sentro pa Libertat Sivil di Ukrania.
Memorial a keda fundá na aña 1989, i ta dediká na denunsia di krímennan kometé durante e periodo di Union Soviétiko.
Hustisia ruso a hasi e organisashon ilegal na fin di 2021.