JARTUM, SUDAN, AP.- Aktivistanan sudanes a protestá den e pais kompleto djamars, pa asina preshoná ehérsito pa entregá poder na outoridat sivil despues ku a kita presidente Omar al-Bashir di su puesto.

Míles di persona a uni otro gruponan di manifestashon na Omdurman, i den provinsia di Kasala i Kordofan.

Al-Bashir kende a goberná Sudan durante 30 aña a wòrdu retirá riba 11 di aprel despues di vários una di protestanan dirigí pa Asosiashon di Profeshonalnan Sudanes (APS), un grupo di sindikato priva ku ta eksihí un transferensia kompleto i inmediato di ehérsito na outoridat sivil.

APS a suspendé tur kombersashon ku ehérsito fin di siman dor ku konseho militar a bisa ku lo tene kombersashonnan ku tur partido polítiko pa nombra un promé minister i un gobièrnu sivil pa goberná  e pais durante e próksimo dos añanan.

 

LAGA UN KOMENTARIO

Please enter your comment!
Please enter your name here